أه م الهموم
لما تزيد فوق الكتاف
أه م الهموم
لما القلب من الواقع يخاف
أه م الهموم
ومين نلوم فى سنين العجاف
أه م الهموم
لما العجز يبقى نهاية المطاف
أه من الدنيا وقساوتها
طعم العوز مُر
أه لما ندوق مرارتها
وما تقدرش منها نمُر
مش قادر أصرخ
مع أن صوتى حٌر
أصل النفس مقطوع
ولا عدش حاجة تسٌر
وخلاصة الموضوع
قهر وراه ذُل يُجر
أه يا ولادى
لما سندكم يحتاج سند
اه يا ولادى
لما يدب فى جسمى الهدد
أه يا ولادى
فين ألاقى المدد
أه يا بلادى
لما يشيب فيكى الولد
وأه لما الشايب
يبقى كمالة عدد
وائل البطراوي
